3° concorso di poesia
Don Baignu
“Veldi la più alta Poesia“
Abbri li ‘éli a lu ‘entu di li versi in Linga Salda la Telza Edizioni di lu Prémiu di Poesia, a innommu di Don Baignu Pes, cun signafficcu “ Veldi la più alta poesia ”. Un ventu ch’aemu autu in faóri ill’edizioni passati, dèndici soddisfazioni manni vistu lu ‘alóri di l’ópari chi so stati prisintati, in chissu disaffìu di poesia e lingaggju di li radici, chi li tempi d’abà e la modernitai custrìgnini in agnati sempri più strinti e cjusi, diffìzzili di turrà a pìciu. Cunvinti comu semu chi chistu sia lu caminu di sighì pal dà lu ‘essu e la tratta ‘justi a lu tempu a viné, massimamenti illa cultura e illa litteratura di la linga salda, accó chi invitemu Li Poeti prisintendili lu Rigulamentu nou pa’ l’annu 2024 e incarissemu la mattessi Giuria di l’annu passatu, presieduta da Prof. Duilio Caocci, Giuria ch’ha datu próa di competenza, professionalitai e rigóri, illu cómpitu di li valutazioni viltuósi e imparziali. Chist’annu, sempri pal cantu paldutu illa Pandemia, recuperemu dui anni: lu 2022 e lu 2023 comu specificatu illu rigulamentu. E si lu ‘entu sarà folti e gàrrigu di sustanza sarà, ancóra chist’annu, un prémiu impultanti, un prémiu d’intaressu mannu e di ricjamu, a misurà lu ‘alóri e l’espressioni di la prupposta Poetico Litteraria in Linga Salda di chistu nostru tempu chi semu campendi, chi pidda bólu da dugna cuciu di Saldigna a rapprisintà lóchi, faéddi, tradizioni e la ricchesa di li diversitai nostri.
(Gianfranco Garrucciu)
Apre le vele al vento dei versi in Lingua Sarda la Terza Edizione del Premio di Poesia intitolato a Don Baignu Pes, con sottotitolo “ Veldi la più alta poesia “. Un vento che ha spirato favorevole nelle passate edizioni, dandoci importanti soddisfazioni considerando il valore delle opere pervenute, in quella sfida di poesia e lingua delle radici, che i tempi attuali e la modernità costringono in angoli sempre più bui e angusti, difficili da cui riemergere. Convinti come siamo che questo sia il cammino da seguire per dare il senso e l’orma giusti al tempo che verrà, soprattutto nella cultura e nella letteratura della lingua sarda, ecco che invitiamo I Poeti presentando loro il Regolamento nuovo per l’anno 2024 e incarichiamo la stessa Giuria dell’anno scorso, presieduta dal Prof. Duilio Caocci, Giuria che ha dato prova di competenza, professionalità e rigore, nel compito delle valutazioni virtuose e imparziali. Quest’anno, sempre per via di quanto perso durante la Pandemia, recupereremo due anni: il 2022 e il 2023 come specificato nel regolamento. E se il vento sarà forte e carico di sostanza, sarà anche quest’anno, un premio importante, un premio di grande interesse e di richiamo, per misurare il valore e l’espressione della proposta Poetico Letteraria in Lingua Sarda di questo nostro tempo, che prende il volo da ogni cantuccio di Sardegna a rappresentare luoghi, lingue, tradizioni e la ricchezza delle nostre diversità.
(Gianfranco Garrucciu)
Graduatoria finale
Verbale riunione di giuria del 10 Novembre 2024
Addì 10/11/2024, alle ore 10.00, nei locali della sede dell’Accademia delle Tradizioni Popolari, sita in via G. Di Vittorio, si è tenuta la riunione della Giuria del Premiu di Poesia Salda Don Baignu, “Veldi la più alta poesia” (3° edizione).
Alla presenza del Presidente Prof. Duilio Caocci e dei componenti: Anna Cristina Serra, Domitilla Mannu, Simone Pisano, Antonio Rossi, Antonio Brundu, Gianfranco Garrucciu e della Segretaria Dr.ssa Valentina Spano, si è proceduto, dopo avere stabilito criteri e metodi di valutazione delle opere, all’esame delle 67 opere pervenute, rappresentative della totalità dei primi premi in lingua sarda degli anni 2022-2023.
Dopo approfondito esame e ampia discussione, si è arrivati ad una decisione unanime sulle risultanze della graduatoria finale che è stata così formulata:
è assegnato il 1° premio assoluto all’opera
“La ciminea” del poeta Angelo Contini di Arzachena,
poesia già vincitrice del X Premio “Città di Olbia”, sezione D poesia gallurese/logudorese e sue varianti – Olbia (ottobre 2023).
Sono invece assegnati i seguenti secondi Ex-Aequo alle opere:
“Torro in segus pitzinnia”, del poeta Sandro Biccai di Sindia,
già vincitrice del Concorso “A pes de Santu Padre”, sezione in rima – Bortigali (ottobre 2023).
“Undas”, del poeta Giangavino Vasco di Bortigali,
già vincitrice del 64° Premio di “Ozieri” di letteratura sarda, sezione “Antoni Sanna” – Ozieri (novembre 2023).
“Cras”, del poeta Gonario Carta Brocca di Dorgali,
già vincitrice del 31° Premio “Sant’Antoni de su o’u”, sezione versi liberi – Mamoiada (dicembre 2022).
“Randa de lutu”, della poetessa Pasqualina Nieddu di Macomer,
già vincitrice del Premio di Poesia “Po Peppino Mereu”, sezione versi sciolti – Tonara (novembre 2023).
“Avali li cumprendu…” del poeta Giuseppe Tirotto di Castelsardo,
già vincitrice della IV Edizione del Concorso “Santu Antinu”, sezione unica – Sedilo (luglio 2022).
“Enas de sos enatos”, del poeta Pier Giuseppe Branca di Sassari,
già vincitrice del 63° Premio di “Ozieri” di letteratura sarda, sezione poesia inedita – Ozieri (febbraio 2022).
“In s’inferru ‘e sa mudesa”, della poetessa Tetta Becciu di Ozieri,
già vincitrice del 18° Concorso di Poesia “Viniscola”, sezione versi sciolti – Siniscola (giugno 2023).
“Puisia”, del poeta Paolo Sanna di Sassari,
già vincitrice della 16ª edizione del Concorso “Pietro Casu” – Berchidda (maggio 2023).
“Arbu ti lassu fozu”, del poeta Andrea Meleddu di Sorgono,
già vincitrice del Concorso di Poesia “Bardia”, sezione poesia cantabile – Dorgali (giugno 2023).
“Nuis nieddas s’incarant”, del poeta Antonio Ignazio Garau di Villaurbana,
già vincitrice del Concorso di Poesia “Luvula ti canto” – Lula (2023)
I lavori si sono conclusi alle ore 12,00.
Il Presidente della Giuria
Prof. Duilio Caocci
La segretaria della Giuria
Dr.ssa Valentina Spano
La Cerimonia di Premiazione si terrà nell’Auditorium Palazzo Pes Villamarina
Si esibiranno:
il duo FANTAFOLK Andrea Pisu e Vanni Masala
(launeddas e organetto diatonico)
e
Mario Garrucciu
(Canto a Chitarra).
Di seguito i componimenti del 3° concorso di poesia "Don Baignu"
Primo Premio
La ciminea
La ciminea.
È guasi l’intrinata
e noi chì, pusati
addananzi a la ciminea.
Manca lu focu,
no’ è stasgioni,
v’è filmatu solu
calboni e chisgina
da l’ultima ‘olta,
ma no’ impolta
puru cussì
pari dochia calori.
Scaldi appena lu cori
no’ celtu li mani
chi carignaàni canteggji
da tempu paltuti.
Solu eu e tu semu filmati
figgjulendici apparu
cu’ ammenti gali
chi più no’ ci dimu
palchì cjari illa mirata
e in calche lagrima salita.
Tuttu era cuminciatu
in chistu locu
chi cià cunnotti minori
e poi manni e abà
solu silenziu illi stanzi,
cumpriti li festi e li gjochi
no’ c’è mancu
lu tantu di campacci.
Nisciunu ven’agattacci
torrani solu ammenti
chi no’ accultani li distanzi.
Eppuru dugna tantu pari
di sirià ‘jent’ angena
arruggjendi ill’appusenti
cuntendi cantu ni felma
di chisti ciurrati chena focu.
Pudendi l’aria siguta,
ma aspettu ‘jenti
chi si spera una dì
primma di cumprilla
mi foccia un’impruisata.
Vincitrice del X Premio “Città di Olbia”, sezione D poesia gallurese/logudorese e sue varianti
Olbia (ottobre 2023).
Secondo Premio ex aequo
Torra in segus pitzinnia
nara in’ue ses cuada!
O ti cheres lusingada
po torrare a domo mia?Ses sa prella pius manna,
in su mundu, de sos benes;
isperende ti nd’apenes,
lasso aberta d’ogni gianna.
Ses bolantiga che canna,
sa pupa mustras ebbia.
Duras pagu, a finitia
currinde lompes luego;
est de badas chi ti prego,
torra in segus pitzinnia.
A bonu s’esseras tentu
de torrare como gana,
carignendemi galana
po giogare cun apentu
chena dolu o pensamentu
che cando cun tegus fui.
Invece istas dui dui,
non t’accheras manc’ appena.
Ma puite mi das pena?
Nara in’ue ses cuada!
Cun afficu iseto ancora
chi cabu ponzas a mie:
accudi nessi una die,
o si nono nessi un’ora.
Pitzinnia amajadora,
t’assiguro ogni ricchesa,
diat esser bene ispesa
po ti bider torra innoghe.
A ti bastat custa ‘oghe,
o ti cheres lusingada?
Imbetzende e pili canu
de pitzinnu ‘esto pannos,
mancari sian sos annos
fuindeche dae manu.
Tando m’iso forte e sanu
cun sos bentos a favore;
comente fut a primore
in custa terrena vida.
Cando faghes s’atrivida
de torrare a domo mia?
Vvincitrice del Concorso “A pes de Santu Padre”, sezione in rima
Bortigali (ottobre 2023).
Secondo Premio ex aequo
Undas
Su càntaru ‘e sa vida
est calande a succuttos,
non bessit pius abba da’ sa ‘ena.
Cun sa mente abbramida,
ànima e coro assuttos,
mi remuno de gosu calchi rena.
A sa muda nd’est bénnida
sa muta ‘e pilos canos e renchénnida.
Coladas sunt sas bias
de bolare in sas chimas
pius altas, a subra ‘e onzi nue.
Totu sas ganas mias
in su pettus sunt frimas,
bessire prus non podent da incue.
E ingroghint sas fozas,
lassàndemi sas àlbures ispozas.
Non poto pius currer
subra s’erba ‘e su padru,
sos cambutzos m’istringhent sas cadenas.
Chie m’at a succurrer
in custu tempus ladru
po mi ch’istesiare dolu e penas?
E si dimando azudu
mancu su chelu intendet, surdu e mudu.
Ma una lughe atzesa
m’est mustrande s’andera
ube agattare paghe e assulenu.
Prus lèbia est s’etzesa
cun in manu s’ispera
chi m’est bintrande in coro a lenu a lenu.
Unu mundu m’imbento
ube de su chi tenzo mi cuntento.
De su sole a s’occasu
goso su tebiore,
ammentàndemi abréschidas prus jaras.
De unu durche ‘asu
intendo su sabore
abbarradu imprimidu in custas laras,
cun faeddos d’amore
chi fint totu po te, amadu frore.
Vincitrice del Premio “Gurulis Vetus” XX Edizione di Padria
(Agosto 2019)
Secondo Premio ex aequo
Cras
Cando sa note
sos ojos mios istudat
non m’interreis in logu de truiscu
in logu tosconosu
ue contipizant tulas de Cainu
inue su ‘enenu iscurret in sas benas
zirande sas isperas in chisina
e allizande arvèschidas
chi lassant solu odios e venditta.
Non m’interreis in terra maleitta
inue incrapistados
morinde sunt sos bisos.
Ue carignos e risos
che pàsculos d’istiu sunt siccados
e sos disizos
arràncana debadas
chircande un’orizonte
un’illusione.
Ue mùilat su bentu
e ghètana sos tronos umbra e pore;
ue promintas d’amore
si perdent
in agonias de dies aurtidas.
Interràdemi a làcana ‘e padente
ue sos cuccumiais
in beranu chin mecus den jocare;
sa luna
novas mi det contare
d’istima e saviesa
e una nue
che-i sa tanda inchesa
det cantare su càntigu de s’abba
torrande sos colores eclissados
a s’aneddu ‘e sa lughe e de s’iscuru
chi eternidade istrinat
e addurcat
s’isprenta fitiana d’esser òmine.
Vincitrice del 31° Premio “Sant’Antoni de su o’u”, sezione versi liberi
Mamoiada (dicembre 2022).
Secondo Premio ex aequo
Randa de lutu
In s’istradita, afaca
a su jannile,
ube tenia brasili
e carchi mata e rosa
bi creschet como
unu filu ‘e pigulosa
ammuntada de prùere
e soledade.
Solu su sole passat,
benit e si pasat
un’ apena,
in custa
petzaria trampera
in sa carrela.
No isco chie est bistadu
su primu a
si ch’andare,
a lassare sicare
s’àrbule ‘e su limone.
Sos ogros no s’atatant
chircande su
ch’ant bidu
in custu boidu nidu
ismentigadu.
In origas sas boghes
intendo a una a una,
no bi nde mancat una
de su connotu meu.
Mi tremulat su coro
a s’ammentu insoro,
animas coladas
coment colat s’abba
in su chiluru.
Parent randa de lutu
in custu muru rutu
rùndines
in su filu aposentadas.
Pasqualina Nieddu
Vincitrice del Premio di Poesia XXXIII Edizione di Ossi
(Novembre 2021).
Secondo Premio ex aequo
Avali li cumprendu…
Avali li cumprendu
li vècchji di lu paesi meu.
Cumprendu l’abbaiddaddi spiddriadori
di chiss’ommi a cavaddu a li mureddi
candu noi scrabbicciaddi
puddreddi alzagiami pagliosi
a lu bastioni, i’ la parti antigga
da undi chena piummi c’érami buladdi
cun isprisciòria, dassendi ad eddi
a vigghjanni la mimòria.
Emmu, avà cumprendu
chiss’ucchjaddi, schinchiddi i’ la geografia
di calpidduri buscaddi
tra rustugghji ed evi saliddi
undi sò soli e ventu più arraiuliddi.
Cumprendu avà chissa curiosidai
chi li vècchji pìglia
e li piccinni infadda, accò sfilendi
dinanzi a la mitràglia
d’occhji circhendi solu
calchi sumiglianza, palchì più l’ora
avanza di più s’ammìsciani ammenti
e realtai. Avali li cumprendu
figghjulendi nutàriu
l’istragna ratatùglia culuradda
chi mali mi veni a culluccà
cumenti cosa mea, po’ essè
di cassisia biccu di mondu,
mancu mi sprecu a circà sumiglianzi
né a fa cunfrontu. Sarani l’anni
ammuntunaddi, o li pinsamenti
sbruccaddi ad altri passi,
chi m’insarru i’ la mimòria
di un paesi buladdu
che curoni di cardu
i’ l’ansciosu rispiru di li venti.
Vincitrice della IV Edizione del Concorso “Santu Antinu”, sezione unica
Sedilo (luglio 2022).
Secondo Premio ex aequo
‘Enas de Sos Enatos
Chi tue los retzas in alas
de càntidos òrficos pagu
bi creo. Prus fàtzile meda
istranzes in mutas de dìl-li-
ri-dìl-li-ri o puru a su bòm-bo-
ro-mbò noitolos orfeos
in s’ena ‘e Sos mudos Enatos
a tràer’ da’ intro su mù-li-
na-mù-li-na ‘e pìdigas undas
astrales… pispizos arcanos.
E creo, su lenu ischimuzu
-de àteras àndalas signu
noale- si puru annos lughe
repichet atesu dae te…
anzenu non t’at a sonare.
Ammentas? Atùami e lassa,
tra benas de prata e galena,
forrojen in te, sabidores
d’ischire ‘enidore, s’antigu
mudìmine tou: madrighe
ch’ atarzat orija a distìngher’
s’isteddu a su tinnu ‘e s’ischìglia.
E gangas a frùere muta
de frundas, fiados e frinas
in cantos a mundos addae.
Ma tue, barbàrica musa,
chi mudas budrones de astros
in chìndalos mudos, pispiza
s’ajò a Orfeos de domo
pro chi no recuan debadas.
E chìnghelis s’atza cun tundas
grigliandas d’alenu. Che cussas
chi benas de res sonadores
apretu prus tundu ponian
a dillos in nuntas de zentes
nuràgicas. Forsi’ a cuncordu
cun cussa matessi mareta
de tempus e logu ch’oìre an
a pòdere cras fizos tuos
pro nd’àere sònidu e seru.
Vincitrice del Premio “Peppinu Mereu” Sezione in rima di Tonara
(Dicembre 2019).
Secondo Premio ex aequo
In s’inferru ‘e sa mudesa
A bortas
intro s’iscuru tuvuccu
de sa rejòne tua,
ue su tempus e sa pamida
sun peraulas chena
chisciu perunu e ne capia,
s’aberit una frisida ‘e lughe
e torras in te,induna – induna:
furriajolas de ammentos
che istinchiddias de fogu,
si pesan a bolu
in su chelu tou ‘e neula
e torran a dare
mazines de unu tempus coladu,
pinturas astraidas de sas dies
de cando fisti sana.
Sorre istimada,
canta ternura in sos ojos tuos!
Torras a bivere
sa cuntentesa ‘e t’ammentare
su numene tou e l’abboghinas a s’infinidu!
Sebestas chizos e boghes
de chie t’at istimadu
e lagrimas de amore
ruen a terra.
Appoi,s’isgarru induna-induna
si cunzat e restat solu
s’iscuru murinu
lassendedi in su coro
arvos chena aidos,
peri a un’ateru arcu ‘e chelu
a incumentare isgiaridas e temporadas.
Torras a falare in s’inferru ‘e sa mudesa
adduras suspesa
a su filu ‘e sa vida cossumida,
chen’ischire chie ses
e nemmancu chie fisti,
s’intrighinu tou…
in s’isettu ‘e su sero.
Vincitrice del 18° Concorso di Poesia “Viniscola”, sezione versi sciolti
Siniscola (giugno 2023).
Secondo Premio ex aequo
Puisia
L’àggiu imparàddu da la vidda
cos’è puisia,
acchi candu tuttu
anda innorammàra
e lu mondu pari feu
è pròpiu allora
chi lu bùggiu,
puru lu più niéddu,
s’ azzèndi
d’una luzi chèna uguàri,
lu cori
trasginèggia lu zaibéddu
e lu chi è si fazi più béddu:
cussi un lampu,
guàsi unu miràgguru!!
E no v’ è rasgiòni chi tènghia:
è puisia e cussisìa.
Vincitrice della 16ª edizione del Concorso “Pietro Casu”
Berchidda (maggio 2023).
Secondo Premio ex aequo
Arbu ti lassu fozu
In d’una mesa, mudu fis corcadu,
ìnnidu, non fit galu muta tua
pro ti dare s’alentu; frita e nua
cuss’ànima isfrunida m’as mustradu.
Epuru, solu deris acisadu
su pardu chi remunis a sa cua,
paris cun sa deghile andera sua
porrias cale logu illacanadu.
Fritos, tudados, sena cumprimentu,
sinnos mios addurant in buleu
addane sena pasu, sena assentu.
Pustis m’atrivo, ma pro cantu ispero:
arbu ti lasso fozu, sen’impreu!
Che sos sentidos mios custu sero.
Sa janna
Vincitrice del Concorso di Poesia “Bardia”, sezione poesia cantabile
Dorgali (giugno 2023).
Secondo Premio ex aequo
Nuis nieddas s’incarant
Nuis nieddas s’incarant / in su tempus benidori,
ca in pasa de s’amori / ispraxendi-sì est sa gherra;
logus meda de sa Terra / no connoscint prus sa paxi
e de tìrria un’araxi / megat de sulai a forti.
S’Ucraina, malasorti!, / at provau cussa faina,
malasorti!, s’Ucraina, / ca Putin dd’at afracada:
gei dd’at fata s’incasada / cun s’agiudu de s’armata,
s’incasada gei dd’at fata, / a Kiev dd’est turmentendi.
Prus de un’annu ascurtendi / totu custu sciacu mannu,
ascurtendi prus de un’annu / de sa gherra is bullitinus:
dronis e sutamarinus / cun is bombas a gurdonis,
sutamarinus e dronis, / sceti morti e avolotu!
Pistighìngiu eus connotu / po totu su murighìngiu,
eus connotu pistighìngiu / po su trigu e s’energia.
Fiaus pensendi ancora a innia, / cun s’inflatzioni crescendi,
ancora a innia fiaus pensendi, / po apaxai a cussa genti,
totinduna Mèdiu Orienti, / sena de scusa peruna,
Mèdiu Orienti totinduna / s’est furriau a bruvurera:
no est custa sa manera, / ca sa gherra no est mai giusta,
sa manera no est custa / tra Palestina e Israeli;
intzurpaus de su feli / si-ndi funt(i) sciumbullaus,
de su feli intzurpaus, / cumentzau ant su mortoxu;
de vengàntzia mitzadroxu / est boghendi in abbundàntzia,
mitzadroxu de vengàntzia / in sa terra ‘e Gesugristu.
Est po cussu chi seu tristu, / a sentidu trumbullau,
no fait a essi prexau, / ca is novas funt(i) malas;
sa stòria chi est apalas, / chi maista est de vida,
a nudda nosi est serbida, / nudda nosu eus imparau!
E su celu est annuau, / amenetzat temporadas:
cun custas gherras de badas, / ita peis nd’eus a bogai?
Vincitrice del Concorso di Poesia “Luvula ti canto”
Lula (2023)